GM Dariusz,
taob kay Wesley So

Umangat sa tuktok ang Philippine-born super grand-master Wesley So matapos pataubin sa Round 2 ng 2021 US Chess Championships si GM Dariusz na nilalaro over the board sa Saint Louis Chess Club sa Missouri.

Nakakuha si defending champion So ng 1.5 points upang sumiksik sa top spot kasama sina GM Ray Robson at GM John Burke sa event na may 12-player single round robin.

Nakipaghatian muna ng puntos si 27-year-old So kay GM Jeffery Xiong sa Round 1 bago kinalos si Swiercz matapos ang 32 moves ng Sicilian Defense.

Pumang-apat sa katatapos na Meltwater Champions Chess Tour, makakalaban ni So sa Round 3 si GM Aleksandr Lenderman na may isang puntos matapos ang dalawang sunod na draw.